إزي جددت إستضافة موقعي بأقل التكاليف من نيم شيب وكسبت 166 دولار

ازاي جددت الاستضافة باقل تكاليف ممكنة وعملت ايه مع نيم شيب وهم عملوا معايا ايه وجددتها بكام
اي موقع في الدنيا بيتكون من دومين واستضافة وشوية ادوات اخري زي شهادة الامان ssl ودي حاجات بنشتريها وبتكون دي التكاليف المبدأية
لسة بقا تمن برمجتة او لو هتعملة وردبريس هيكون لسة تكاليف القالب وتكاليف الاضافات ولك مطلق الحرية في اختيار القالب والاضافات وكل قالب وكل اضافة لها سعرها المختلف واللى بيتغير باستمرار
موقع غنايم .كوم علي استضافة اسمها ستيلر بلس محجوزة من شركة نيم شيب وسعرها الشهري 6.48 دولار ولو هتحجز بالسنة هيبقي سعرها 2.89 دولار في الشهر يعني في السنة كاملة هتكون ب 34.68 دولار ولو هتشتري سنتين هيكون سعرها الشهري 2.28 دولار يعني في السنة هتكون بسعر 27.36 وفي السنتين هتكون 54.72 دولار زبيكون معاها دومين مجاني وشهادة امان دغير انها بتشيل عدد لا نهائي من المواقع وعدد لا نهائي من الايميلات اللى بأسم موقعك دة لو هتشتريها جديد وسعر تجديدها السنوي 68.88 دولار وبتجدد معاها الدومين برسوم إضافية وبتجدد كمان شهادة الامان برسوم إضافية وعلشان لو الاستضافة دي سعرها اتغير بعد كدا

https://www.namecheap.com/hosting/shared

الاختيارات المطروحة كانت
تجديد الاستضافة 68.88 والدومين 58.14 دولار وشهادة ssl بسعر 43.19 دولار يعني الاجمالي هيكون 126.65 دولار
والاختيار دة هو الاختيار الاسهل ولكن هو الاعلي تكلفة

او اروح للاختيار الثاني وهو اني ابحث عن كوبون خصم يعمل تخفيض للسعر واختياري للاختيار دة كانت كان معتمد علي قيمة الخصم والمبلغ اللى هيندفع قد ايه وللاسف ملقتش اصلا أكواد خصم للتجديد وان كل كوبونات الخصم الموجودة هي كوبونات خصم للشراء لاول مرة بس
فقررت اروح للاختيار الثالث وهو اني اعمل معاهم الدنيئه
وقررت اني هشتري استضافة جديدة
وهاخد معاها دومين جديد مجاني وشهادة ssl كمان مجانا وبخصم يوصل الي 65 % علشان هشتري سنتين
طيب وموقعك القديم ؟
والترافك وال seo والزيارات اللي بالالاف يوميا تروح فين ؟
انا اشتريت استضافة بسعر 53.88 كذا لمدة سنتين
واخدت شهادة ssl مجانا
واخدت معاها دومين ghanaim.cloud مجانا
اما الدومين ghanaim.com فهجددة بسعر ١٤ دولار
البكدج دة كلفني حوالي 86 دولار وموقعي شغال لمدة سنتين
بدل ما كنت هجدد سنة واحدة ب 126 دولار وتجديد السنتين كان هيكلفني 252 دولار انا دفعت 86 دولار بس
يعني بحسبة بسيطة هتكتشف اني وفرت 166 دولار في عملية التجديد لسنتين

يعني المطلوب دلوقتي
اما انقل الموقع بتاعي من الاستضافة القديمة الي الجديدة وكمان افك الربط بين الاستضافة القديمة والدومين غنايم .كوم وارجع اربط الدومين غنايم.كوم بالاستضافة الجديدة
وطبعا خدمة فك الربط بين الدومين والاستضافة مش متوفرة في لوحة تحكم نيم شيب فكان لازم نكلم خدمة عملاء نيم شيب علشان يعملوا دة
ايه رأيك اخليهم يبدلوا صلاحية الاستضافتين
يعني بما ان الاستضافتين من نفس النوع ونفس كل حاجة
هم يبدلوا يخلوا الاستضافة اللى هتنتهي بعد يومين تنتهي بعد سنتين
واللى هتنتهي بعد سنتين تنتهي بعد يومين
للاسف مش هقدر اساعدك وحسيتة بيشتم في سرة
وكانة بيقولي مش انت عملت ناصح طيب شوف حد ي… يساعدك
فقولتلة طيب بما ان الاستضافتين عندكم والدومينين عندكم ايه رائيك تنقلي انت محتوي الاستضافه وتبدلي الدومينات

المهم قالي بردوا شوف حد يساعدك
دخلت علي الاستضافة القديمة وعملت نسخة احتياطية من الملفات ونزلتها علي الكمبيوتر
ودخلت علي قاعدة البيانات واخدت نسخة من قاعدة البيانات ونزلتها علي الكمبيوتر وبكدا بقا عندي موقعي كامل ومتامن علي جهازي وبعيد عن اي مشاكل هتحصل وقت عملية النقل علشان لو اضطريت اعمل العملية دي يدوي اكون جاهز
وقررت اكلم خدمة العملاء تاني في نيم شيب بس المرادي علشان اقولهم يلغوا ربط الدومين ghanaim.com بالاستضافة القديمة اللى هتنتهي بعد يومين
وكنت عامل حسابي انهم حتي لو رفضوا فكنت هستني يومين وكانت هتتلغي لوحدها علشان انا مجددتهاش اصلا
بس هم رفضوا يلغوا الربط
فقولتلة طيب انا عايز الغي اشتراكي في الاستضافة القديمة وتتخذف تماما دلوقتي
مع العلم ان الدومين ghanaim.com مجدد سنتين ومتحذفش الدومين واحذف الاستضافة فقط
ردوا عليا وقالوا احذفها انت من عندك
قولتلة لاء مبتتحذفش وبعتلة صورة للشاشة بالخطأ اللى بيظهر وقت الالغاء لان فعلا دخلت اجرب احذفها بنفسي وظهرلي رسالة خطأ
ورد عليا وقالي هنلغيها بس مفيش استرجاع للاموال
فانا قولتلة وانا مش عايز تعويض ومش عايز استرجع الاموال
وبالفعل حذف الاستضافة القديمة واصبح موقع غنايم .كوم مش موجود في العالم واختفي تماما انا اه رجعتة في خلال ساعة وربطت الدومين بالاستضافة الجديدة اللى كانت جاهزة اصلا وعليها الملفات وقاعدة البيانات

بعد ما حذف الاستضافة اصبح الدومين غنايم.كوم في الحساب عندي وبدون استضافة
وكدا لوحة التحكم بقا فيها استضافة واحدة بس وصالحة لمدة سنتين
وبقا فيها ٢ دومين اللى هو غنايم.كوم ودة صالح لمدة سنتين وغنايم .كلاود ودة صالح لمدة سنة وشهادة ssl صالحة لمدة سنة
ودخلت غيرت الدومين الاساسي للاستضافة بدل ما كان غنايم.كلاود لان انا اشتريت الاتنين مع بعض وبقا غنايم .كوم وبكدا دومين غنايم .كوم اتربط مع استضافة فيها ملفات الموقع وقاعدة بياناته واشتغل تاني لاني كنت رفعت كل الملفات اللى نزلتها علي الاستضافة الجديدة فعلا
وظهرت هنا مشكلة جديدة وهي ان شهادة ال ssl الجديدة مشتغلتش علي الموقع ودة بسبب ان دومين غنايم.كوم لسة شهادة القديمة مفعلة فعلا وصالحة وهتنتهي بعد يومين ومينفعش تشغل شهادتين علي نفس الموقع
وادخل اكلم خدمة العملاء تاني واقولة لو سمحت انا عايز الغي الشهادة القديمة وافعل الشهادة الجديدة والمرادي اعتذرلي وقالي حاضر هنفعلها وفعلا فعل الشهادة الجديدة في خلال دقايق
وبكدا اكون انا جددت موقعي لمدة سنتين واخدت شهادة ssl مجانا وكمان دومين مجانا وبسعر اقل من سعر التجديد العادي بتخفيض أكثر من 70%

شاهد الفيديو كاملا من هناااااااااااااااا